វាងាយស្រួល និងមិនបង់ប្រាក់
ដើម្បីផ្ញើប្រាក់ ទៅនរណាម្នាក់ដែលជាមិត្តរបស់លោកអ្នក នៅក្នុង Facebook លោកអ្នកគ្រាន់តែ៖- ចាប់ផ្តើម ចូលទៅកន្លែងសរសេរសារ ។
- ចុចលើរូបសញ្ញាដុល្លារ ($) ហើយវាយបញ្ចូលចំនួនទឹកប្រាក់ ដែលអ្នកចង់ផ្ញើទៅ ។
- ចុចលើប៊ូតុង Pay ដែលនៅប៉ែកខាងស្តាំខាងលើ ហើយបញ្ចូលលេខ Debit Card ដែលអ្នកចង់ផ្ញើប្រាក់ទៅ ។
- ចុចបើកមើលសារដែលទទួលបានពីមិត្តអ្នក
- បន្តចុចលើ Add Card នៅក្នុងសារនោះ ហើយវាយបញ្ចូលលេខ Debit Card ដើម្បីទទួលប្រាក់ពីមិត្តលោកអ្នក (តម្រូវបញ្ចូលតែម្តងដំបូងទេ លើកក្រោយៗ មិនចាំបាច់ វាយបញ្ចូលឡើយ) ។
សូមទស្សនាវីដេអូខ្លី ពី Facebook បង្ហាញពីការអនុវត្តន៍យ៉ាងងាយបំផុត៖
តើមានសុវត្ថិភាពកម្រិតណាដែរ?
តាំងពីឆ្នាំ ២០០៧ មកទល់សព្វថ្ងៃ ក្រុមហ៊ុន Facebook បានដំណើរការ ប្រតិបត្តិការណ៍ការផ្ទេរប្រាក់ រាប់លានប្រតិបត្តិការណ៍ រៀងរាល់ថ្ងៃ នៅលើគេហទំព័រផ្ទាល់ និងអាចរ៉ាប់រងដំណើរការទាំងនោះ បានយ៉ាងប្រសើរ នេះបើយោងតាមការលើកឡើងរបស់ Facebook ផ្ទាល់ ។Facebook បញ្ជាក់ថា ពួកគេបាននឹងកំពុងប្រើប្រាស់ប្រព័ន្ធសុវត្ថិភាព ដើម្បី Encrype រាល់ទំនាក់ទំនងរវាងអ្នក និងមិត្តលោកអ្នក ជាពិសេសគឺព័ត៌មានទាក់ទងនឹងកាតធនាគារ ប្រសិនបើលោកអ្នកស្នើរទៅកាន់ Facebook ។ ប្រព័ន្ធគ្រប់គ្រងការបង់ប្រាក់ទាំងនេះ បានរក្សាទុកយ៉ាងសុវត្ថិភាពបំផុត ដែលចែកដាច់ពីបណ្តាញរបស់ Facebook ហើយមានការគ្រប់គ្រងយ៉ាងត្រឹមត្រូវ ។
ជាលើកដំបូង ពេលដែលលោកអ្នកផ្ញើ ឬទទួលប្រាក់ នៅក្នុង Facebook Messenger លោកអ្នកនឹងត្រួវបញ្ចូល Visa Card ឬ Mastercard Debit Card ដែលចេញដោយធនាគារ ចូលទៅក្នុងគណនីលោកអ្នក ។ ពេលដែលអ្នកបញ្ចូលរួចហើយ អ្នកអាចបង្កើត PIN ដើម្បីផ្តល់សុវត្ថិភាពបន្ថែម នៅពេលក្រោយៗទៀត ដែលលោកអ្នកផ្ញើ ឬទទួលប្រាក់ ។ ប្រសិនបើនៅលើឧបករណ៍ iOS ដូចជា iPhone, iPad លោកអ្នកអាចប្រើ Touch ID បានផងដែរ ។
គួរបញ្ជាក់ផងដែរថា មុខងារក្នុងការបង់ប្រាក់នេះ នឹងដាក់ឲ្យប្រើប្រាស់នៅពេលខាងមុខយ៉ាងខ្លី នៅក្នុងសហរដ្ឋអាមេរិក សម្រាប់អ្នកប្រើប្រាស់ Android, iOS និង នៅលើកុំព្យូទ័រ Browser ។
ប្រភពពី: សំបុកអាយធី
No comments:
Post a Comment