ឆាក្តៅមាន់បែបថៃខុសគ្នាពីឆាក្តៅបែបខ្មែរត្រង់ថាឆាក្តៅ ខ្មែរដាក់គ្រឿងគល់ស្លឹកគ្រៃបុក ហើយមិនប្រើសណ្តែកគួរ។
របៀបខ្មែរប្រើពេលយូរក្នុងការចំអិនម្យ៉ាងទៀតយើងប្រើមាន់ស្រែ ហើយដាក់ទាំងឆ្អឹង។ ម្ហូបនេះមានជាតិហិរ និងឆ្ងុយម្រះព្រៅដូចគ្នាប៉ុន្តែរសជាតិទាំងមូលគឺខុសគ្នា។
មួយចានខាងក្រោមនេះគឺឆាក្តៅបែបថៃ។ បើលោកអ្នកចង់បានបែបខ្មែរសូមតាមដានបន្ត។ ឆាក្តៅបែបខ្មែរនឹងមកដល់ក្នុងពេលឆាប់ៗនេះ។
សំរាប់មនុស្ស៖ ២ ឬ ៣នាក់
គ្រឿងផ្សំ៖
- សាច់ទ្រូងមាន់ថៃ ២០០ក្រាម, លាងឲ្យស្អាតចិញ្ច្រាំ
- សណ្តែកគួរ៤គួរ, លាងឲ្យស្អាតហាន់ល្អិតៗ
- ម្រះព្រៅមួយដៃ
- ម្ទេស៣ឬ៨ផ្លែ(តាមចំណូលចិត្ត), ហាន់តូចៗ
- ម្ទេសដៃនាង (សំរាប់លំអរ), ហាន់តូចៗ
- ខ្ទឹមស៣កំពឹស, ដំបំបែក
- ស្ករត្នោត1/2ស្លាបព្រាកាហ្វេ
- ប្រេងខ្យង១ស្លាបព្រាបាយ
- អំបិល1/4ស្លាបព្រាកាហ្វេ
- ម្សៅស៊ុបខ្នុរ1/4ស្លាបព្រាកាហ្វេ
- ប្រេងឆា១.៥ស្លាបព្រាបាយ
- ទឹក៣ស្លាបព្រាបាយ
- ដាក់ប្រេងឆាចូលក្នុងខ្ទះ,ដាក់ខ្ទឹមសនិងម្ទេសហើយលីងឲ្យឈ្ងុយ។
- ដាក់សាច់មាន់ចិញ្ច្រាំចូល។ ឆាត្រឡប់មើលបើសិនសាច់ស្ងួត ដាក់ទឹក១ស្លាបព្រា។
- ដាក់ស្ករត្នោត,អំបិល,ម្សៅស៊ុបខ្នុរនិងប្រេងខ្យងហើយឆាត្រឡប់។
- ដាក់សណ្តែកគួរ,ម្ទេសដៃនាងនិងទឹក២ស្លាបព្រាទៀត។ ឆា៣ទៅ៤វិនាទី។
- ដាក់ម្រះព្រៅ។ ឆាត្រឡប់ឲ្យលឿនហើយបិទភ្លើង។
- ញ៉ាំ ជាមួយបាយស។
ដកស្រង់ចេញពី asianfoodguide
No comments:
Post a Comment