ស្រាធំជាងគេ ក្នុងពិភពលោក។
ក្រុមហ៊ុន Ernest & Julio Gallo Winery និងក្រុមហ៊ុនហ៊ុងហៀប (កាំបូឌា) ដែលទទួលបានអាជ្ញាប័ណ្ណនាំចូល និងចែកចាយផលិតផលស្រា E & J Gallo ក្នុងទីផ្សារកម្ពុជា បានធ្វើពិធីសម្ពោធជាផ្លូវការ កាលពីល្ងាចថ្ងៃទី១១ ខែវិច្ឆិកា ឆ្នាំ២០១៣ នៅសណ្ឋាគារអាំងទែរកុងទីណង់តាល់ ដោយមានការអញ្ជើញចូលរួមពីលោក វីលៀម អ៊ីថូត ឯកអគ្គរដ្ឋទូតអាមេរិកប្រចាំកម្ពុជា ព្រមទាំងពាណិជ្ជករ អាជីវករ និងភ្ញៀវកិត្តិយសជាច្រើនរូប។
លោក ភីលី វ៉ុង (Pily Wong) នាយកប្រតិបត្តិក្រុមហ៊ុនហ៊ុងហ៊ាប បានឱ្យដឹងថាៈ " ភាពជាដៃគូ វាងក្រុមហ៊ុន Ernest & Julio Gallo និងក្រុមហ៊ុនហ៊ុងហ៊ាប បានផ្តល់ឱកាសឱ្យយើង បាននាំចូលប្រភេទស្រាថ្មី មកកាន់ទីផ្សារស្រាកម្ពុជា និងផ្តល់ឱ្យអតិថិជន មានឱកាសភ្លក់រសជាតិស្រា ដែលមានគុណភាពខ្ពស់ និងតម្លៃសមរម្យ "។
លោកចូណាថាន ឆេង (Jonathan Chang) នាយកប្រចាំតំបន់អាស៊ី ប៉ាស៊ីហ្វិក នៃក្រុមហ៊ុន Ernest & Julio Gallo Winery បានមានប្រសាសន៍ថាៈ " អស់រយៈពេល ៨០ឆ្នាំហើយ ដែល Gallo Winery បានកសាងមុខជំនួញ ផ្តោតលើគុណភាព និងតម្លៃជាចម្បង។ យើងមានមោទនភាពណាស់ ដែលអាចបន្ថែមប្រទេសកម្ពុជា ទៅក្នុងបញ្ជីបណ្តាប្រទេសកំពុងអភិវឌ្ឍន៍របស់យើង ដែលរីករាយជាមួយស្រាកាលីហ្វ័រញ៉ារបស់យើង "។
លោកចូណាថាន បានឱ្យដឹងថា ក្រុមហ៊ុនផលិតស្រា Ernest & Julio Gallo Winery បានត្រូវបង្កើតឡើង នៅឆ្នាំ១៩៣៣ នៅម៉ូដេស្តូ រដ្ឋកាលីហ្វ័រញ៉ា ដោយលោក Ernest Gallo និងលោក Julio Gallo ដែលជាបងប្អូននឹងគ្នា។ សព្វថ្ងៃនេះ ក្រុមហ៊ុន Ernest & Julio Gallo Winery ជាក្រុមហ៊ុនផលិតស្រាធំជាងគេបំផុត ក្នុងពិភពលោក និងមានសាខា ជាង១០០ប្រទេស។ E & J ជាប់ជាក្រុមហ៊ុនមួយ ក្នុងចំណោមក្រុមហ៊ុនផលិតស្រា ដែលទទួលពានរង្វាន់ច្រើនជាងគេ ក្នុងនោះ កាលពីឆ្នាំ២០១២ ឈ្នះពានរង្វាន់ស្រាល្អប្រចាំឆ្នាំ(2012 winnery of the Year)។ នៅឆ្នាំ២០០៦, ២០០៨ និង២០១០ ជាប់ជាស្រាមានឥទ្ធិពលបំផុត នៅក្នុងពិភពលោក និងជាក្រុមហ៊ុនផលិតស្រាអាមេរិកតែមួយគត់ នៅក្នុងពិភពលោកដែលឈ្នះពានរង្វាន់ International winery of the year ៤លើក នៅឆ្នាំ១៩៩៨, ២០០១, ២០០២ និង២០១១។
លោកនាយកប្រចាំតំបន់ អាស៊ី ប៉ាស៊ីហ្វិក បានឱ្យដឹងទៀតថា ស្រា E & J Gallo ដែលផលិតចេញពីទំពាំងបាយជូរ មានច្រើនប្រភេទ និងច្រើនរសជាតិ ដូចជា Carlo Rossi, Barefoot, Gallo Family Vineyard ,Apothic ដែលសុទ្ធតែជាស្រាលក់ដាច់ជាងគេនៅអាមេរិក។ នៅកម្ពុជា អាចរកទិញបាននៅតាមផ្សារទំនើប, មីនីម៉ាត, ភោជនីយដ្ឋាន, រង្គសាល និងហាងលក់ទំនិញជាច្រើនទៀត។
លោកឯកអគ្គរដ្ឋទូតអាមេរិកប្រចាំ កម្ពុជា បានមានប្រសាសន៍ថា កាលពីខែកក្កដា ឆ្នាំ២០១៣ កន្លងទៅនេះ លោកបានដឹកនាំគណៈប្រតិភូសភាពាណិជ្ជកម្ម និងពាណិជ្ជករកម្ពុជា ទៅធ្វើទស្សនកិច្ច រដ្ឋកាលីហ្វ័រញ៉ា ក្នុងគោលបំណងពង្រឹងផ្នែកសេដ្ឋកិច្ច ពាណិជ្ជកម្ម រវាងអាមរិក និងកម្ពុជា។
លោកឯកអគ្គរដ្ឋទូត បានបញ្ជាក់ថា ការវិនិយោគ និងការនាំចូលស្រា E & J Gallo មកកម្ពុជានេះ គឺជាគម្រោងវិនិយោគមួយ ក្នុងចំណោមគម្រោងវិនិយោគមួយចំនួន ដែលកើតចេញពីដំណើរទស្សនកិច្ចនោះ ហើយលោកសង្ឃឹមថា នៅពេលអនាគត ផលិតផលអាមេរិក នឹងត្រូវបាននាំចូលមកស្រុកខ្មែរ កាន់តែច្រើន។ លោកបានចាប់អារម្មណ៍ថា ពីមុន លោករកទិញ ស្រា E & J បានតែនៅអាមេរិក តែឥឡូវ លោកសប្បាយរីករាយណាស់ ដែលស្រាល្បីប្រភេទនេះ មានវត្តមាននៅកម្ពុជា៕
ដកស្រង់ពីរ៖ Everyday
No comments:
Post a Comment